Serok Nêçîrvan Barzanî Pêşwaziya Balyoza Hollandayê Kir

Nîvroya îro Sêşemê 25.11.2025an, rêzdar Nêçîrvan Barzanî, Serokê Herêma Kurdistanê, di hevdîtinekê de ligel xatûn Jannette Alberda, Balyoza Şahnişîna Hollandayê li Iraqê, peywendiyên Hollandayê bi Iraq û Herêma Kurdistanê re, hilbijartinên Encûmena Nûneran û rewşa Iraqê gotûbêj kirin.
Herdu aliyan daxwaza xwe ya dualî ji bo pêşxistina peywendiyan dubare kirin. Herwiha derbarê çawaniya pêşvebirina hevkariya hevbeş di navbera Herêma Kurdistanê û Hollandayê de di war û sektorên cuda de, danûstandina bîr û ramanan kirin.
Rewşa herêmê û çend pirsgirêkên din ên girîng û hevbeş, mijareke din a hevdîtinê bû.