Kurd û Cihû Li Berlînê Tekez li ser Têkoşîna Dijî Nîjadperestiyê Kirin

Berlîn – Almanya: Îro li bajarê Berlînê, paneleke hevbeş a diyasporaya Kurd û Cihû hat lidarxistin, ku bala civakê kişand li ser zêdebûna nefret û nîjadperestiya li dijî Kurdan û Cihûyan. Armanca sereke ya vê çalakiyê ew bû ku hişyariya civakî li hember van meylên neyînî were xurtkirin.

Di vê panelê de, nûnerên civaka sivîl a Kurd û Cihû beşdar bûn. Wan bi hev re tekezî li ser pêwîstiya têkoşîna hevpar a li dijî nîjadperestî û gotarên nefretê li seranserê Ewrûpayê kirin. Beşdaran diyar kirin ku her du gel bi sedsalan rastî dûrxistin û zilmê hatine, û di vê çarçoveyê de girîngiya hevgirtinê bilind nirxandin.

Her wiha, di panelê de pêwîstî bi pêşîgirtina tawan û sûcên nefretê, xurtkirina çanda jiyana hevbeş û berfirehkirina piştgiriya raya giştî ya navneteweyî hate destnîşan kirin.

Ev çalakî weke peyameke xurt a hevgirtinê di navbera civaka Kurd û Cihû de, ji bo parastina nirxên mirovahî û li dijî her cureyê nîjadperestiyê, hat nirxandin.