Liu Jun: BYD di rê de ye ber bi bazara Kurdistanê tê

Hewlêr – Kurdistan: Kompanya û markaya BYD, ku li seranserê cîhanê weke pêşengê hilberîna otomobîlên enerjiya nû (NEV) tê naskirin, amade ye ku bikeve bazara Kurdistan û Iraqê. Di vê çarçoveyê de, îro, 7'ê Îlona 2025'an, Konsûlê Giştî yê Çînê li Hewlêrê, birêz Liu Jun, li Hewlêrê ligel birêz Omar Al - Bayati, Rêveberê Giştî û Dabeşkarê Fermî yê BYD - Iraqê, û tîma wî re civiya.

Civîn li ser stratejî û planên BYD ji bo bazara Iraqê hate gotûbêjkirin. Konsûlê Giştî Liu, bi agahdariya ku şîrketa BYD - Iraqê plan dike ku di dawiya vê salê de kampanyayeke berfireh ji bo danasîna modelên nû yên otomobîlên BYD dest pê bike, tekezî li ser girîngiya hatina BYD bo Herêma Kurdistana Iraqê jî kir.

Birêz Liu baweriya xwe anî ziman ku otomobîlên enerjiya nû yên Çînî ne tenê dê ezmûneke ajotinê ya nû ji bo xelkê Herêma Kurdistanê peyda bikin û di sûtemeniyê de, dê xercan jî kêm bikin, lê di heman demê de dê beşdarî veguhestina ber bi aboriyeke kesk û kêm-karbonê ve jî bibin.

Ev pêngav weke nîşana pêşkeftina peywendiyên bazirganî yên di navbera Çîn û Kurdistan û Iraqê de tê dîtin, û herwiha weke beşek ji hewldanên cîhangîrî ji bo pêşxistina veguhestina hewaya paqij û kêmkirina bandora jîngeh û hawîrdorê tê dîtin. Konsûlê Giştî Liu hêviyên serkeftinê ji bo birêz Omar Al - Bayati û tîma wî di vê projeya nû de xwest.