Bêrîvan Aymaz Serdana Dezgeha Xêrxwazî ya Barzanî kir

Roja Pêncşemê, 5ê Sibatê, 2026, Mûsa Ehmed, Serokê Dezgeha Xêrxwazî ya Barzanî, pêşwaziyê li xanima Bêrîvan Aymaz, Cîgira Serokê Parlamentoya Herêma Nordrhein-Westfalya ya Almanyayê, kir.

Armanca serdanê, gotûbêjkirina rewşa mirovî û projeyên hevbeş yên di navbera Dezgeha Xêrxwazî ya Barzanî û rêxistinên mirovî yên welatê Almanyayê de bû.

Mûsa Ehmed, Serokê Dezgeha Xêrxwazî ya Barzanî, di wê hevdîtinê de, spasiya welatê Almanyayê û Cîgira Serokê Parlamentoya Nordrhein-Westfalya kir, li hember piştgiriyên berdewam ên rêxistinên mirovî yên wî welatî ji bo projeyên Dezgeha Xêrxwazî ya Barzanî û hêviya berdewamiyê ji bo wan xwest.

Ji aliyê xwe ve, xanima Bêrîvan Aymaz, kêfxweşiya xwe ji bo serkeftina projeyên hevbeş yên di navbera welatê Almanyayê û Dezgeha Xêrxwazî ya Barzanî de anî ziman. Herwiha behsa şiyana zarokên Mala Girnijîn kir ji bo fêrbûn û wergirtina zanyariyan.

Di dawiya serdanê de, xanima Bêrîvan Aymaz, soza xebatên hevbeş yên zêdetir û berfirehkirin û pêşxistina projeyên wan ên hevbeş da, da ku zêdetir kes jê sûd werbigirin.