Papayê Vatîkanê pêşwaziya Wezîrê Veguhestin û Gihandinê yê Kurdistanê kir
Eno Cewher, Wezîrê Veguhestin û Gihandinê yê Hikûmeta Herêma Kurdistanê, bi Papayê Vatîkanê re civiya.
Eno Cewher, Wezîrê Veguhestin û Gihandinê yê Hikûmeta Herêma Kurdistanê, bi Papayê Vatîkanê re civiya.
Wezîrê Veguhestin û Gihandinê yê Hikûmeta Herêma Kurdistanê bi çend berpirsên hikûmî, kesayetî û rêberên siyasî û yasadanerên Katolîkî ji seranserê cîhanê, di hevdîtineke taybet de ji nêz ve bi Papayê Vatîkanê û Serokê Dêra Katolîk a cîhanê Papa Leo (Lavon) ê Çardemîn re civiya.
Li gorî daxuyaniya civînê, di vê hevdîtina li Vatîkanê de çend berpirsên Koşka Spî û şêwirmendên nêzîkî Serokê Amerîkayê Trump û çendîn kongresmenên Amerîkî ji Komarî û Demokratan û çendîn rêber û endamên NATO yê û parlamenterên Yekîtiya Ewropayê û welatên Asya, Afrîka û Amerîkaya Latîn û kardînalên Dêra Katolîk jî amade bûn.
