Lîstika Şanoya "Em Yek Rê Ne" Hate Pêşkêşkirin

Hewlêr - Kurdistan: Îro serê sibê Çarşemî, 11.02.2026, di bin çavdêrî û bi amadebûna Umêd Xoşnaw, Parêzgarê Hewlêrê, Mamosta Luqman Seîd, Rêveberê Giştî yê Perwerdeyê yê Hewlêrê, Hoşyar Ebdulwahîd Merjan, Rêveberê Çalakiyên Dibistanan û hejmarek ji serpereştyar û mamostayan, li meydana Baxê Şar, xwendekarên dibistana seretayî ya Şinrê, lîstika şanoyê "Em Yek Rê Ne" pêşkêş kirin, ku ji aliyê Rêveberiya Çalakiyên Dibistanan ve hatibû amadekirin.

Di naveroka wê lîstika şanoyê de, behsa bîr û hişyarî û xwesteka yekbûna neteweyî ya Kurd hatibû kirin, bi awayekî ku hemû armanc ji bo bicihanîna perwerdeyeke tendurist ji bo zarokên Kurd hate pêşkêşkirin. Metna lîstika şanoyê bi awayekî hatibû damezrandin ku bikaranîna çend hevok û şîretan bû, ku rojane pêwîst e were bîra xwendekar û zarokên Kurd, bi awayekî ku bandorek erênî li ser şêwaza perwerdekirin û mezinbûna wan bi bîr û hestên neteweyî û avakirina kesayetiya zarokan bike.

Parêzgarê Hewlêrê, destxweşiyê li amadekar û xwendekar û aktorên şanoyê kir, ku bi jêhatîbûnê rolên xwe pêk anîn û peyama rasteqîn a neteweyeke xwedî maf gihandin.