Mezlûm Ebdî bi şandeke ENKSê re civiya

Mezlûm Ebdî, Fermandarê Giştî yê Hêzên Sûriyeya Demokratîk (HSD), pêşwaziyê li şandeke Serokayetiya Encûmena Niştimanî ya Kurd li Sûriyeyê (ENKS) kir û rewşa heyî ya herêmê bi hev re gotûbêj kirin.

Di civînê de, pirsa rawestandina şer û agirbestê bi hûrgilî hate gotûbêjkirin. Herwiha herdu aliyan derbarê guhertin û geşedanên herî dawî yên siyasî û leşkerî yên Rojavayê Kurdistanê de jî danûstandinan kirin.

Civînê girîngiya parastina Rojavayê Kurdistanê û xelkê sivîl ji her şer an pevçûneke leşkerî ku bibe sedema pêleke nû ya koçberiyê tekez kir, herwiha dubare kirin ku pêwîst e pirsgirêkên di navbera wan û hikûmeta demkî de bi rêya diyalogeke avaker werin çareserkirin.