Konfederasyona Revenda Kurdistanî Tevlî Konferansa Kurdên Rojhilatê Kurdistanê Bû
Konfederasyona Revenda Kurdistanî Tevlî Konferansa Kurdên Rojhilatê Kurdistanê Bû
Bergisch Gladbach - Almanya: Di bin dirûşma “Jin, Jiyan, Azadî.” de û bi boneya sêyemîn salvegera şoreşa şehîd Jîna Emînî, şandek û delegasyonek ji Konfederasyona Revenda Kurdistanî roja Yekşemê, 28.09.2025, tevlî konferansa Yekîtiya Mala Kurdistanê li bajarê Bergisch Gladbach bû.
Di konferansê de, ku girseyeke mezin ji diyaspora û revenda Rojhilatê Kurdistanê amade bûn, delegasyona Konfederasyonê ji Nader Doghatî, Sekreterê Komîteya Giştî, Dilbirîn Şingalî, Serokê Komeleya Rewşenbîrî ya li bajarê Münster, û Xanim Leyla Dêwêbend, endama rêveberiyê û berpirsa Nivîsîngeha Jinan, pêk dihat.
Konferans ji bo bîranîna qurbaniya Jîna Emînî û tekezîkirina li ser yekîtiya Kurdan hate lidarxistin, nemaze di rewşa heyî ya Rojhilatê Kurdistanê de. Beşdariya delegasyona Konfederasyona Revenda Kurdistanî girîngiya piştgiriya hevbeş û hevkariya di navbera hemû pêkhateyên koçberên Kurd de destnîşan kir.
