Pirtûka Lêgerînek Li Pey Niştiman Da Tê Çapkirin

Hewlêr - Kurdistan: Nivîskarê Kurd Hawraman Ali Tawfik ragihand ku pirtûka wî ya nû ya bi navê «Geran Be Duway Nîştiman da» "Lêgerînek Li Pey Niştiman Da" di bin çapê de ye û tê payîn ku di demek nêzîk de bigihîje destên xwendevanên Kurd.

Ev berhema Nivîskarê Kurd Hawraman Ali Tawfik ji berhevoka gotaran, ku hem mijarên neteweyî û hem jî yên giştî dihewîne, li ser gelek pirsên hemdemî yên ku bûne sedema guherînan, şer û aşitiyê, hestên neteweyî, pirsgirêka penaberiyê û mijarên din ên rojane disekine.

Tawfik diyar dike ku gelan di dirêjahiya dîrokê de herdem di rewşên guherbar û tevlihev de bûne, û di van hemû mercan de, ji bo berdewamiya xwe û diyarîkirina nasnameya xwe hewl dane. Pirtûk vê dînamîka dîrokî bi nihêrîneke kûr analîz dike.

Hawraman Ali Tawfik hêvî dike ku ev berhema wî ya nû karibe ji xwendevanan û pirtûkxaneya Kurdî re kêrhatî be û bibe çavkaniyek ji bo nîqaş û têgihîştineke kûrtir li ser pirsên krîtîk ên civakî û neteweyî. Çapbûna "Lêgerînek Li Pey Niştiman Da" tê payîn ku cihê xwe di nav berhemên edebî û fikrî yên Kurdî de bigire.