Ciwan Haco Wê Swêdê Germ Bike!

UPPSALA, SWÊD – Hezkiriyên muzîka Kurdî amade bin! Hunermendê navdar ê Kurd Ciwan Haco, amade ye ku di 5ê Berfanbarê(12) 2025an de, li bajarê Uppsala yê Swêdê, konserek mezin bide. Ev bûyera çandî ya girîng ji aliyê Steranova ve tê organîzekirin û li Uppsala Konsert & Kongress (UKK) di demjimêr 20:00 de wê dest pê bike.

Ciwan Haco, ku bi dengê xwe yê taybet û muzîka xwe ya resen li seranserê Kurdistan û cîhanê hezkiriyên wî zêde ne, bi taybetî li diaspora Kurdî xwedî cihekî girîng e. Her konsereke wî dibe pîrozbahiyeke çandî û derfetek ji bo civaka Kurd ku li welatên biyanî bi hev re bicivin û xwe bi çanda xwe ve girêdin.

Ev konsera li Uppsala, piştî demeke dirêj, dê ji bo hezkiriyên wî şevek be ji bîr naçe. Tê payîn ku ew bi stranên xwe yên klasîk û her weha berhemên xwe yên nû, Swêda sar bi muzîka xwe û bi dilên temaşevanan germ bike û wan bibe ser rêwîtiyeke muzîkî ya tijî hest. Ji ber vê yekê, ji niha ve, eleqeyeke mezin ji bo bûyerê heye.

Firotina Bîletan Dê Sibe Dest Pê Bike!

Daxwaza bîletan pir zêde ye, û firotina bîletan dê di sibe, 5ê Îlona 2025an de dest pê bike. Steranova, ku bi pêşkêşkirina bûyerên çandî yên Kurdî tê naskirin, careke din ev fersend afirandiye. Ji ber daxwaziya zêde, tê pêşbînîkirin ku bîlet di demeke kurt de biqedin.

Hezkiriyên Ciwan Haco û muzîka Kurdî dikarin bi riya lînka ku Steranova di hesabên xwe yên medyaya civakî (@stera.nova) de parve kiriye, bîletên xwe bistînin. Ji bo ku hûn bêyî bîlet nemînin, lez bikin û cihê xwe di vê şeva taybet de bigirin!