Serok Barzanî pîrozbahiyê li lehengê Kurd (Namo Fazil) kir

Serok Barzanî, ji bo serkeftina mezin ku li Dewletên Yekbûyî yên Amerîkayê bi dest xistiye, pîrozbahiyê li werzîşvan û lehengê Kurd ê hunerên şer ên tevlihev (MMA), Namo Fazil dike.

Serok Barzanî li ser hesabê xwe yê fermî yê tora civakî "X" belav kir: "Pîrozbahiyê li lehengê ciwan û jêhatî yê Kurd (Namo Fazil) dikim ji bo vê serkeftina ku di şampiyoniyên (MMA) de li Amerîkayê bi dest xist."

Di beşeke din a peyama xwe de, Serok Barzanî destnîşan kir ku ev destkeftî cihê şanaziyê ye û nivîsî: "Ev serkeftin ji bo hemû Kurd û Kurdistanê cihê şanaziyê ye, pîrozbahiyê lê dikim û hêviya serkeftin û pêşketinên zêdetir jê re dixwazim."

Hêjayî gotinê ye, Namo Fazil, şervanê Kurd ê giraniya (Welterweight), karî di lîstikeke xurt de li bajarê Los Angelesê, li ser hevrikê xwe yê Amerîkî "Jake Babian" bi ser bikeve û serkeftineke dîrokî ji bo werzîşa Kurdistanê tomar bike.