Li Hewlêrê Merasîmek Mezin Ji Bo Şehîdên Yekê Sibatê Tê Lidarxistin

Di salvegera Şehîdên 'Yekê Sibatê' de, merasîmek mezin li Parka Samî Ebdulrehman li bajarê Hewlêrê tê lidarxistin û sibe 19 sal bi ser wê kiryara terorîstî re derbas dibe.

Di roja 1ê Sibata 2004an de, du êrîşên xwekujî li baregeha Leqa Du ya Partî û Navenda Sê ya Yekîtî li Hewlêrê rû dan, ji ber vê yekê 103 kes şehîd bûn û hejmareke din jî birîndar bûn. Sibe 19 sal bi ser wê kiryara terorîstî re derbas dibe.

Çavkaniyeke bilind di Wezareta Şehîdan û Enfalbûyan de ji AVA Medyayê re ragihand: Roja 1ê Sibata 2026an saet 10:00ê sibehê, li bîrdariya Şehîdên Yekê Sibatê li Parka Samî Ebdulrehman, bi amadebûna Serokwezîr Mesrûr Barzanî, Wezîrê Şehîdan û Enfalbûyan, Parêzgarê Hewlêrê, konsul, nûnerên welatan û kesûkarên şehîdên Yekê Sibatê, merasîmek mezin tê lidarxistin.

Wê çavkaniya Wezareta Şehîdan û Enfalbûyan got: "Di merasîmê de taca gulan a Serokê Herêma Kurdistanê, Serokwezîr Mesrûr Barzanî, Wezareta Şehîdan û Enfalbûyan û kesûkarên şehîdan tê danîn."

Ji aliyekî din ve, Umêd Xoşnaw, Parêzgarê Hewlêrê, ji AVA Medyayê re ragihand: Amadekarî ji bo merasîmê qediyane, sibe Yekşemê merasîmek hêja ji bo bîranîna Şehîdên Yekî Sibatê li Parka Samî Ebdulrehman tê lidarxistin û berpirsên bilind ên hikûmî û hizbî jî tê de beşdar dibin.