Karwana Yekemîn a Alîkariyên Ava ji bo Çemçemal û Derdora wê Tê Şandin

Îro karwana yekemîn a alîkariyên kampanyaya Ava Medya ji bo deverên lehiyê lêdabûn tê şandin û li ser ziyan berketiyên lehiyê tê belavkirin.

Kanala Ava Medya kampanyayeke berfireh a berhevkirina alîkariyê ji bo ziyan berketiyên lehiyê li sînorê Çemçemal, Şoreş û Tekiyê ragihandiye. Gelê Hewlêrê û derdora wê bi sedan ton alîkarî gihandine Nivîsîngeha sereke ya Ava li Hewlêrê û gelek xêrxwaz û mirovhezan bi awayekî berfireh beşdarî kampanyayê dibin.

Necat Farisî, peyamnêrê Ava Medya li Hewlêrê, ragihand ku îro karwanê yekemîn ê alîkariyên mirovî yên kampanyaya

Ava Medya ji Hewlêrê ber bi deverên lehiyê yên Çemçemal, Şoreş û Tekiyê ve tê şandin û li ser mexdûr û ziyan berketiyan tê belavkirin.

Hefteya borî, li beşek ji parêzgeha Silêmaniyê û rêveberiya serbixwe ya Germiyanê baranek zêde barî, di encamê de li çend deveran, bi taybetî li Çemçemal, Tekiyê, Şoreş, Kerkûk û çend deverên Germiyanê, lehî rabûn. Zirareke mezin a lehiyê gihîşt Çemçemal, Şoreş û Tekiyê.

Hemû xêrxwaz dikarin bi çend awayan beşdarî kampanyayê bibin: şandina pereyan bi rêya (FIB), bexşkirina pereyan bi dest di Nivîsîngeha Ava de, an jî anîna xwarin û kelûpelan ji bo ber Nivîsîngeha Ava li Hewlêrê. Nivîsîngeha sereke ya Ava li ser rêya Hewlêr - Pîrmam, li pişt Fîrdews City ye.

Ji bo bexşîn û alîkariyê ji kerema xwe bi van hejmaran re têkiliyê deynin:

00964770 171 5888
00964750 803 5020

Koda QR ya (FIB) jî heye.