Pirtûka Kesayetiyên Bihêz û Bibandor ên Iraqê... Îdrîs Barzanî

Pirtûka min a çar cildî ya li ser kesayetiyên bihêz û bibandor ên Iraqê, heta niha sê cildên wê hatine çapkirin û li Iraq û herêmê hatine belavkirin. Di wan de min behsa wan serkirdeyên bi temen kiriye, di cildê çaremîn de ku min ji bo çapkirinê amade kiriye, ezê vegerim ser serkirdeyên ciwan. Di nav wan kesên ku min wek kesayetiyên bihêz ên Iraqê destnîşan kirine, yên ku duh û îro û siberoja wan heye, birêz Îdrîs Barzanî, neviyê serokê zindî Îdrîs Barzanî heye. Îdrîs Barzaniyê ciwan û jêhatî, stratejiyên serkirdetiyê yên plansazî û cîbicîkirinê û tevger û performansa wî di civaka Iraqê de bihêz e. Ew kesayetiyeke xwedî kok e wek malbatek şoreşger, di nava partiya siyasî û hikûmeta herêmê û civakê de jî roleke girîng heye.

Ji bo her kesî eşkere ye ku ev serokê ciwan baweriya wî bi nûjeniyê heye, bernameyên wî yên çandî û medenî ji bo Iraq û Herêma Kurdistanê bi feyde ne û tevger û karên wî yên mirovî jî di nav civak û ciwanan de pir diyar û balkêş in. Hêjayî gotinê ye ku dema meriv bala xwe bide ser karên wî, li Iraqê ezmûna bapîrê wî tê dîtin, ku evînê wek dareke berdar, di nav hemî pêkhateyên Iraqê de diçîne! Wek erebekî ku ez di dîroka Îdrîs Barzaniyê rehmetî de xwedî zanîn im, di tevgerên Îdrîs Barzaniyê ciwan de, em tam wêneyê dilsozî û wefadarîya wî ya ji bo aştî û aştivaniyê dibînin, ev jî ligel hêza Serok Nêçîrvan Barzanî ku Iraq û herêm û cîhan jê matmayî ne.

Îdrîs Barzanî yek ji serkirdeyên bihêz û bibandor e ji bo paşeroja herêm û Iraqê, ji ber ku ji niha ve nîşanên bihêz ên serkirdetiyê lê têne dîtin, yek ji delîlên bihêz ên vê gotina min jî, karên wî yên mirovî yên berfireh in ku di kûrahiya herêm û Iraqê de bûne cihê gotûbêjên her kesî.

Cewad Kazim Mihemed

Nivîskarê pirtûka Kesayetiyên Bihêz ên Iraqê.