Hevpeyman û Wezareta Pêşmerge Lezê li Yekxistina Hêzên Pêşmerge Dikin
Her du alî li ser lezkirina pêngavan, ber bi yekxistina yekîneyên cihêreng ên Hêza Pêşmerge ve, hemfikir bûn.
Wezareta Pêşmerge ya Hikûmeta Herêma Kurdistanê ragihand ku ew ligel hêzên hevpeymanan bi awayekî ciddî kar dikin da ku tevahiya yekîneyên Pêşmerge bêne yekxistin.
Ev agahî di daxuyaniyekê de hat ku di çarçoveya civîna di navbera Ferîq Rukin Îsa Uzêr, Sererkanê Wezareta Pêşmerge, û Kolonêl Joseph Sal, Fermandarê Hêzên Hevpeymanan li Herêma Kurdistanê, û tîmeke pê re de hate lidarxistin.
Wekî ku di daxuyaniyê de hatiye destnîşankirin, mijara serekî ya civînê taybet bû bi cîbicîkirina bername û plana çaksaziyê li Wezareta Pêşmerge û ji nû ve birêxistinkirina tevahiya hêzan. Her wiha, rewşa niha ya Hêza Pêşmerge û pêşxistina têkiliyên di navbera Wezareta Pêşmerge û hevpeymanan de hatin gengeşekirin.
Her du alî li ser lezkirina pêngavan, ber bi yekxistina yekîneyên cihêreng ên Hêza Pêşmerge ve, hemfikir bûn.
