Peyama Serokê Herêma Kurdistanê ji bo Bîranîna Şehîdên 1ê Sibatê

Îro, em bi rêz û hurmetê şehîdên nemir ên karesata 1ê Sibata 2004ê bi bîr tînin, roja ku terorîstên tarîperest di sibeha cejnekê de, bi kîn û nefreteke reş, du baregehên sereke yên Partiya Demokrata Kurdistanê û Yekîtiya Niştimaniya Kurdistanê li Hewlêrê kirin armanc û hejmarek serok û têkoşerên naskirî û welatiyên bêtawan şehîd kirin û birîndar kirin.

Şehîdên 1ê Sibatê, sembola bi hev re jiyan, yekîtî û tevlibûna xwîna zarokên Kurdistanê ne ji bo azadî û serbilindiyê. Ew di demekê de şehîd bûn ku mijûlî pîrozkirina cejnê û xurtkirina aştî û hezkirinê bûn, loma bîranîna wan ne tenê bîranîna êşekê ye, belkû tekezkirin e li ser wan nirxên ku wan canê xwe ji bo wan gorî kirin.

Baştirîn wefa ji bo xwîna şehîdên 1ê Sibatê û hemû şehîdên Kurdistanê, parastina destkeftiyan, kûrkirina ruhê aştî û hevkarî û yekrêziya navbera aliyên siyasî ye. Divê em vê bîranînê bikin bingehek ji bo derbaskirina nakokiyan û ji bo avakirina paşerojek geştir ku ji bo nifşên me ku heqê cangoriya şehîdên me ye kar bikin.

Silav li giyanê pak ê şehîdên 1ê Sibatê û hemû şehîdên Kurdistanê. Silav û serbilindî ji bo malbatên wan ên serbilind.

Nêçîrvan Barzanî
Serokê Herêma Kurdistanê
01.02.2026