Naveroka peywendiya telefonî ya di navbera Serok Barzanî û Serok Ehmed el-Şera de
Naveroka peywendiya telefonî ya di navbera Serok Barzanî û Serok Ehmed el-Şera de
Êvara roja Yekşemiyê, 18.01.2026an, Serok Mesûd Barzanî peywendiyeke telefoniyê ji birêz Ehmed Şera, Serokê Sûriyê, wergirt.
Di wê peywendiya telefonî de, li ser pêşhatên dawî yên Sûriyê hate axaftin û Serok Şera, ligel ku naveroka rêkeftina xwe ya bi QSDê re anî ziman, tekezî li ser wê kir ku mafên Kurdan dê bêne parastin û pirsgirêk li gorî rêkeftinan dê bêne çareserkirin.
Herwiha di wê peywendiyê de, Serok Barzanî tekez li ser pêwîstiya garantîkirina mafên gelê Kurd kir û herwiha derketina biryarnameya Serokê Sûriyê ya derbarê mafên Kurdan de wek pêngaveke rast da zanîn ku dikare ji bo mafên Kurdan li Sûriyê bibe bingehekî zexm û erênî li ser were avakirin.
