Serok Barzanî Pêşwaziyê Li Balyozê Îtalyayê li Iraqê Kir
Serok Barzanî Pêşwaziyê Li Balyozê Îtalyayê li Iraqê Kir
Roja Çarşemê 8ê Cotmeha 2025 li Pîrmamê Serok Mesûd Barzanî pêşwazî li birêz Niccolò Fontana, Balyozê Îtalyayê li Iraqê û şandeke pê re kir.
Di vê hevdîtinê de, di derbarê pêvajoya aştiyê li Tirkiyeyê û rewş û pêşketinên dawî yên Sûriyeyê de danustandina bîr û ramanan kirin. Herwiha bal kişandin li ser hilbijartinên Encûmena Nûnerên Iraqê û herdu aliyan hêvî xwestin ku ev hilbijartin û encamên wê, guhertinên erênî bi xwe re bînin û xizmeta bingehên demokrasî û nûnertiya gel bikin.
Pêvajoya siyasî ya Herêmê û avakirina hikûmeta nû ya Herêma Kurdistanê mijarên din ên vê hevdîtinê bûn.
