Parlamena Federal a Almanyayê Dezgeha Xêrxwaziyê ya Barzanî Xelat Kir
Parlamena Federal a Almanyayê Dezgeha Xêrxwaziyê ya Barzanî Xelat Kir
Hewlêr - Kurdistan: Îro 2ê Cotmeha 2025an de, şandeke bilind a navdewletî serdana Serokatiya Dezgeha Xêrxwaziyê ya Barzanî li Hewlêrê kir û di merasîmeke taybet de xelata rêzgirtin û spasiyê ya parlamenterên Almanyayê pêşkêşî dezgehê kir.
Şanda mêvan ji kesayetiyên girîng pêk dihat, di nav de Serdar Yuksel, Endamê Parlamena Federal a Almanyayê; Klaus Engel, Serokê berê yê Encûmena Rêveberiya Giştî ya kompanyaya Evonik û endamê Encûmena Veberhênan û Beşdaran li Almanya; Hendrik Gross, Berpirsê Dezgeha Ragihandinê ya Schwäbische Medien û Berpirsê Rêxistina Helfen Bringt Freude; Şêrzad Tomas, Rêveberê Giştî yê Dezgeha Caritas – Essen li Iraqê; û Deniz Kartal, wênesaz û rojnamevan.
Ev xelatkirin nîşana qedr û qîmeta bilind a xebat û hewlên Dezgeha Xêrxwaziyê ya Barzanî di warê alîkariyên mirovî û xêrxwaziyê de ye, ku bi taybetî ji aliyê Parlamena Federal a Almanyayê ve tê pejirandin.
