Yekîtiya Zanayên Olî yên Îslamî ya Kurdistanê Roleke Bi Bandor Li Kurdistanê De Heye
Serok Barzanî Salvegera Damezrandina Yekîtiya Zanayên Olî yên Îslamî ya Kurdistanê Pîroz Dike
Hewlêr - Kurdistan: Bi boneya pêncî û pênc saliya damezrandina Yekîtiya Zanayên Olî yên Îslamî ya Kurdistanê, Serok Mesûd Barzanî peyameke pîrozbahiyê belav kir û tê de rola girîng a mamosteyên olî di civaka Kurdistanê de ronî kir.
Di peyama xwe de, Serok Barzanî pîrozbahiyên germ li serok û endamên Mekteba Cîbicîkar û Encumena Navendî ya Yekîtiya Zanayan, herwiha li hemû mamosteyên ola Îslamê yên li Kurdistanê kir. Wî destnîşan kir ku damezrandina vê yekîtiyê, ku li ser raspardeya Barzaniyê nemir hatiye kirin, gaveke dîrokî bûye ji bo bihêzkirina rola mamosteyên olî di şoreş û xebata gelê Kurdistanê de.
Serok Barzanî tekez kir ku biryara damezrandina yekîtiyê, tekezkirin bû li ser pêgeha mamosteyan û zanyayên mezin ên Kurd ên olî yên îslamê. Li gorî wî, ev zanyar û mamoste di belavkirina têgihiştina neteweyî û niştimanperwerî û herwiha çanda pêkvejiyanê di navbera çîn û tebeqeyên civakê de, roleke serekî lîstine. Ew herwiha di pêşxistina doza rewa ya gelê Kurdistanê de di hemû qonaxên dîrokî de xwedî bandoreke mezin bûne.
Di dawiya peyama xwe de, Serok Barzanî hêviya serkeftinê ji bo Yekîtiya Zanayên Olî yên Îslamî ya Kurdistanê û hemû mamosteyên olî yên rêzdar re xwest. Wî herwiha destxweşî li ked, westan û erka wan a pîroz kir û got: "Xwedayê mezin pişt û penahê hemû aliyan be."
Ev peyam di demekê de tê belavkirin ku Kurdistan girîngiyeke taybet dide parastina nirxên olî û civakî û herwiha pêşxistina çanda pêkvejiyanê di navbera hemû pêkhateyên xwe de.
Peyama Serok Barzanî Ji Bo Salvegera Damezrandina Yekîtiya Zanayên Olî yên Îslamî ya Kurdistanê
Bi boneya pêncî û pênc saliya damezrandina Yekîtiya Zanayên Olî yên Îslamî ya Kurdistanê, pîrozbahiyên germ li serok û endamên Mekteba Cîbicîkar û Encumena Navendî ya Yekîtiya Zanayan û hemû mamosteyên ola Îslamiya pîroz li Kurdistanê dikim.
Damezrandina Yekîtiya Zanayên Olî yên Îslamî ya Kurdistanê li ser raspardeya Barzaniyê nemir, gaveke dîrokî bû ber bi bihêzkirina rola mamosteyên olî di şoreş û xebata gelê me de. Ev biryar tekezkirin bû li ser pêgeha mamosteyan û zanyayên mezin ên Kurd ên olî yên îslamê di belavkirina têgihiştina neteweyî û niştimanperwerî û pêkvejiyanê di nav çîn û tebeqeyên civakê de û rola wan di pêşxistina doza rewa ya gelê me di hemû qonaxan de.
Di salvegera damezrandina Yekîtiya Zanayên Olî yên Îslamî ya Kurdistanê de, hêviya serkeftinê ji bo Yekîtiya Zanayên Olî yên Îslamî ya Kurdistanê û hemû mamosteyên olî yên rêzdar re dixwazim û destxweşiyê li ked, westan û erka wan a pîroz dikim.
Xwedayê mezin pişt û penahê hemû aliyan be.
Mesûd Barzanî
21ê Îlonê 2025
