Şîfa Barzanî li Qazaxistanê bi Kurdên Qazaxistanê re civiya

Almaata, Qazaxistan – Di 31ê Tebaxa 2025an de, li bajarê Almaata yê Qazaxistanê, hevdîtinek girîng di navbera endamên rêveberiya Komeleya Kurdên Qazaxistanê BERBANG û Serpereştyarê Giştî yê Revenda Kurdistanî, Şîfa Barzanî de pêk hat.

Civîn bi xêrhatina Serokê Yekîtiya Kurdên Qazaxistanê, Ezîzê Zîyo Bedirxan, dest pê kir. Bedirxan di axaftina xwe de bal kişand ser girîngiya dostaniya di navbera gelên Qazaxistan û Kurd de, û her weha li ser pêşxistina ciwanan, perwerde, zanist û çandê axivî.

Piştî wî, Serokê Federasyona Navnetewî ya Diyasporayên Kurdan, Şêx Ramazan Seîdov, û her weha endamên Komeleya BERBANGê, serokên komîte û şaxên herêmî yên Komeleyê, kesayetên çalak ên koma etnîkî ya Kurd a Qazaxistanê, rûspiyên bajaran û nûnerên baskê ciwanan axivîn.

Civîn ji aliyê Cîgirê Serokê Komeleya BERBANGê, Îbrahîmê Filit Mamêdov, ve hate moderatorkirin. Di civînê de gelek mijarên girîng ên hevkariya gengaz a diyasporayan di warê çandî de hatin nîqaşkirin.

Di axaftina xwe ya pêşwaziyê de, rêzdar Şîfa Barzanî xêrhatina hemû beşdarên çalakiyê kir û kêfxweşiya xwe ji bo vê derfeta hevdîtinê anî ziman. Wî girîngiya pêşkeftina Kurdên Qazaxistanê û piştgiriya dewleta Qazaxistanê di vê yekê de tekez kir.

Di dawiya çalakiyê de, bi fermana Serokê Komeleya Komarî ya Kurdên Qazaxistanê, Ezîz Zîyo Bedirxan, kek Şîfa Nihad Mistefa Barzanî, bi xelata giştî ya herî bilind a Komeleya BERBANGê, madalyaya zêrîn, hate xelatkirin.

Civîn li otela Plaza Almaty hat lidarxistin û bi alîkariya birêz Cemalê Elî Îbragîmov pêk hat.