Banka Navendî ya Iraqê: Xelk bawerî bi sîstema bankî tûne

Parêzgerê Banka Navendî ya Iraqê tekez li ser nebûna baweriya xelkê Iraqê bi sîstema bankî dike û dibêje: “%80 ê pereyên Iraqê li derveyê bankane û li malan da hatiye hilgirtin”.
Elî Elaq Parêzgerê Banka Navendî ya Iraqê, ragihand: “%80 ê diravên Iraqî li derveyê bankane û li malan da hatiye hilgirtin. sedema wê jî ewe ye ku baweriya xelkê bi sîstema bankî re lawaze”.
Balkişand li ser wê yekê ku: “Plana çaksaziya bankî hatiye danîn, ji bo bihêzkirina baweriya bi sîstema bankî ya Iraqê û çareserkirina giriftan, bi taybetî ew pereyê zêdeyê ku li malan hatiye hilgirtin çawa wiha bikin bê bankan.”
Parêzgerê Banka Navendî ya Iraqê eşkere jî kir, % 10 bankan têbîniya wan li ser plana Banka Navendî heye û dibêje: “10 bankên Iraqê jî li jêr hilweşandinê ne ew jî ji ber bê şiyanî li vegerandina pereyê pêşekiya hevbeşên wan bûye.
Heftiya rabihurî Mezher Mihemed Salih, Şêwirmendê Darayî û Aborî ya Serok Wezîrê Iraqê ragihandibû: “li Iraqê da 100 trîlon dînar hatiye çap kirin û ew bire jî vedigerê ku dest bi dest du dike li navbera xelk û bazarê da û beşek jî diravên yedege”.
Eşkere jî kir, li Iraqê da xelk kêmtir baweriya wan bi bankan heye, got: “% 88ê dirava Iraqî li derveyê bankane û li cem xelkê ne û beşeke pereyê nivistiye”.
Tekez kir: “Civaka Iraqê zêdetir pişt bi pereyê kaş dibestin û ewe jî weku mîrat maye û kêmtir hêvî ji bo bankan dibin, ji bo wê yekê diravê Iraqî bi xerapî hildigrin û beşeke diravê xerabe û dirayî ye”.