Dizeyî pêşwaziya Xwendekarên Beşa Protokolê ya Koleja Teknîkî ya Şeqlawa Kir

Berpirsê Peywendiyên Derve yên Hikûmetê Pêşwaziya Jimareyek Xwendekarên Beşa Protokolê ya Koleja Teknîkî ya Şeqlawa Kir

Îro Duşem, 19/1/2026, Sefîn Muhsîn Dizeyî, berpirsê Peywendiyên Derve yên Hikûmetê, pêşwaziya jimareyek xwendekarên beşa protokolê ya Koleja Teknîkî ya Şeqlawa kir. Li gel xêrhatin û hêviyên serkeftinê, wî kurteyek li ser destpêk û armanca damezrandina Fermangeha Peywendiyên Derve yên Hikûmetê pêşkêş kir û ronî kir li ser wan gavên ku bûne bingeha bihêzbûna zêdetir a peywendiyên Herêma Kurdistanê digel cîhana derve.

Birêz Dizeyî got ku tecrubeya Herêma Kurdistanê li gorî herêmên din ên cîhanê xwedî giranî û pêgeheke hêja ye. Di warê ewlehî û aramiyê de, di warê derfetên bazirganî û veberhênanê de, û di warê çanda aşitîxwazî û jiyana bi hev re ya pêkhateyan de navûdengekî xweş heye.

Di beşeke din a axaftinên xwe de, birêz Dizeyî ronî kir li ser avahiya îdarî ya nû ya daîreyê, ku ji ber berfirehbûna zêdetir a peywendiyan û vekirina zêdetir nûnertiyên welatan li Herêmê, avahî hat revîzekirin û çendîn rêveberî û beş hatin zêdekirin û kar bi awayekî hatiye dabeşkirin ku ji ti aliyekî ve kêmasî çênebe.

Paşê amadevanan çendîn pirs û têbînî li ser girîngiya peywendiyan, protokol û şêwazên kar digel dîplomatkaran pêşkêş kirin, û berpirsê peywendiyên derve yên hikûmetê bersiva nêrîn û pirsên wan da.
Dûv re, xwendekarên mêvan gera meydanî li nav daîreyê kirin û hemû rêveberî û beşên wê ji wan re hatin nasandin.