Serok Nêçîrvan Barzanî û Mazlûm Ebdî rewşa Kurdan li Sûriyê gotûbêj kirin

Êvariya îro Sêşemê 16.06.2026an, rêzdar Nêçîrvan Barzanî, Serokê Herêma Kurdistanê, ligel birêz Mazlûm Ebdî, Fermandarê Giştî yê Hêzên Sûriyeya Demokratîk (HSD) civîya.

Di civînê de, dawîn pêşhatên siyasî û ewlehî yên Sûriye û navçeyê, rewşa Kurd û pêkhateyan li wî welatî û hewldanên ji bo çareserkirina kêşeyan û hevtêgihiştina navbera aliyên Kurdî û hemahengî û hevkariya ligel Şamê hatin gotûbêjkirin.

Her du aliyan tekez li ser girîngiya berdewamiya diyalogê, parastina ewlehiyê û dabînkirina aştiyê li navçeyê kirin, her wiha rûbirûbûna metirsiyên terorê û pêşxistina hemahengiyê bi mebesta parastina aramiyê, mijareke din a civînê bû.