Serok Nêçîrvan Barzanî û Balyozê Fransa Rewşa Helebê Nirxandin
Serok Nêçîrvan Barzanî û Balyozê Fransa Rewşa Helebê Nirxandin
Serok Nêçîrvan Barzanî pêşwaziyê li Balyozê Fransayê kir
Êvara îro Çarşema 14.01.2026 rêzdar Nêçîrvan Barzanî, Serokê Herêma Kurdistanê, di civînekê de ligel birêz Patrick Durel, Balyozê Fransa li Iraqê û şandeke pêre, ligel peywendiyên herdu aliyan, rewşa navxweyî ya Iraq û Herêma Kurdistanê û pêşhatên dawî yên herêmê gotûbêj kirin.
Herdu aliyan hêvî xwestin ku rêkarên hilbijartina Serokomar û destnîşankirina Serokwezîrê Iraqa Federal di dema yasayî ya xwe de birêve biçin û hikûmeteke wiha pêk were ku bersivdêrê çaverêkirinên welatiyan û kêşeyan be. Herwiha tekez li ser girîngiya bilezkirinê di pêkanîna kabîneya nû ya Hikûmeta Herêma Kurdistanê kirin.
Herdu aliyan dilgiraniya xwe derbarê rewşa aloziya deverê de anîn ziman û hevrayî bûn li ser girîngiya parastina aramî û ewlehiya li herêmê û çareserkirina kêşeyan bi diyalog û rêyên dîplomatîk. Di vê çarçoveyê de dûpat kirin ku alozî û rûbirûbûna leşkerî, aloziya li deverê zêdetir dike.
Derbarê pêşhatên Sûriyê jî, Serok Nêçîrvan Barzanî dûpat kir ku Herêma Kurdistanê her piştgiriyekê li mafên gelê Kurd û hemû pêkhatên li Sûriyê dike. Herwiha got: "Hê ji destpêka bûyerên Helebê ve, ligel hemû aliyan di hewlê de bûn ji bo rawestandina şer û parastina ewlehiyê û di hewldanên xwe yên ji bo aramkirinê de, berdewam în."
Ji aliyê xwe ve, birêz Balyozê Fransa ligel dûpatkirina piştgiriya welatê xwe ji bo Iraq û Herêma Kurdistanê, pesna hewldanên Serok Nêçîrvan Barzanî yên bi navê parastina aramî û ewlehiyê de kir.
Pêvajoya aştiyê li Tirkiyê û çend pirsên din ên ji bo her du aliyan girîng bûn; mijareke din a civînê bû ku birêz Yann Braem, Konsolê Giştî yê Fransa li Herêma Kurdistanê jî di civînê de amade bû.
