Serok Nêçîrvan Barzanî, pîrozbahiyê li birêz Dr. Berhem Salih Kir

Bi boneya wergirtina posta Komîsyarê Bilind yê Neteweyên Yekbûyî ji bo Karûbarên Penaberan (UNHCR), ji dil germtirîn pîrozbahiyan li birayê min ê ezîz Dr. Berhem Salih dikim û di vê erkê cîhanî û mirovî de serkeftinê jê re dixwazim.

Wergirtina posteke bilind a navneteweyî, di vê astê de, nîşaneya baweriya civaka navneteweyî ye bi şiyan, ezmûn û qada siyasî û dîplomasî ya rêzdar. Ev ji bo Herêma Kurdistanê û Iraqê cihê serbilindiyê ye ku ew serpereştiya yek ji girîngtirîn dosyeyên mirovî yên cîhanê dike.

Ez piştrast im ku bi tecrûbeya xwe ya dewlemend, ew dikarin roleke çalak û bibandor bilîzin di kêmkirina êşa penaberan û çareserkirina pirsgirêkên wan li ser asta cîhanê. Em li Kurdistanê ji her kesî çêtir êşa koçberiyê û girîngiya vê peywirê fêm dikin.

Em her piştgiriyekê ji bo serkeftina rêzdar dubare dikin.

Nêçîrvan Barzanî
Serokê Herêma Kurdistanê
19.12.2025