Tolan: Bi Pêşketinên Peywendiyên Êzdiyan De, Gelekî Dilxweş im!
Bangek Ji Bo Pêşxistina Peywendiyên di Navbera Hikûmeta Tirkiyeyê, Kurdên Misilman û Êzdiyan de
Kemal Tolan, di çarçoveya pêşketinên nû yên di derbarê peywendiyên di navbera Hikûmeta Tirkiyeyê, Kurdên Misilman û Êzdiyan de, girîngiya diyaloga di navbera aliyên cuda de tekez dike, bi hêviya çareserkirina pirsgirêkan dike.
Kemal Tolan, berhevkarê dîrok û zargotina kevneşopên Êzdîtiyê, di daxuyaniyekê de bal kişand ser pêwîstiya pêşxistina peywendiyên di navbera rêvebirên hikûmeta Tirkiyeyê, akademîkarên Kurdên misilman, rêxistin û kesayetên Êzdiyan de. Tolan, ku di Gulana 2024an de bi Doç. Dr. Ahmet Aktaş, mamoste û lêkolînerê Fakulteya Îlahiyatê ya Zanîngeha Sêrtê re pêwendî danîbû, li ser girîngiya van têkiliyan sekinî bû.
Di peywendiyên wan de, Tolan û Aktaş li ser bawerî, rêxistinbûn û jiyana Êzdiyên li Tirkiyeyê û yên derveyî welat sekinîbûn. Piştre, doç.Dr. Ahmet Aktaş daxwaz kiribû ku rewşa rêxistinbûn û jiyana Êzdiyên li Almanyayê ji nêz ve bibîne û bi akademîkar û lêkolînerên Êzdiyan re hevdîtinan pêk anîbû. Ev serdan di Tebaxa 2025an de li Oldenburgê pêkhat, ku Aktaş bû mêvanê Kemal Tolan.
Tolan, kêfxweşiya xwe ji pêşketinên vê diyalogê re anî ziman û destnîşan kir ku "Fakulteya Îlahiyatê ya Zanîngeha Sêrtê" jî daxuyaniyek li ser hevdîtineke bi "komek ji ciwanên Êzîdî û Misilman ên li Almanyayê" re parve kiriye, ku ji aliyê Konseya Êzîdiyan a Almanyayê û DÎTÎB (Yekîtiya Tirk-Îslamî ya Karûbarên Olî) ve hatibûn organîzekirin. Her wiha, Tolan eşkere kir ku herdû biraziyên wî (Emîn û Telîm), tevî hevalên xwe Sermet û Rauf, serdana fakulte û dersxana Doç. Dr. Ahmet Aktaş li Sêrtê kirine.
Kemal Tolan got, "Ez bi van pêşketinên peywendiyên ku di navbera akademîkarên Kurdên misilman, rêxistin û kesayetiyên Êzdiyan de pêkhatine, gelekî dilxweş bûm!"
Herî dawî, Tolan hêviya xwe anî ziman ku pirsgirêkên di navbera hikûmeta Tirkiyeyê, Kurdên misilman û Êzdiyan de, bi rêya pêwendiyên weha, veşartî nemînin û bi tevahî bên çareserkirin. Ev daxuyanî, ku di 15ê Cotmeha 2025an de hatiye dayîn, bangewaziyek girîng e ji bo diyalog û çareserkirinên berfireh li ser pirsgirêkên heyî.
