Mûşeka Ciwanên Kurd Rêza Çaremîn Bi Dest Xist

Sêrt - Kurdistan: 'Tîma Mûşekan a Sêrtê' ku ji xwendekarên Navenda Zanist û Hunerê ya Sêrtê (BİLSEM) pêk tê, di Pêşbirka Mûşekan a TEKNOFESTê ya li Aksarayê hat lidarxistin de serkeftineke girîng bi dest xist.

Ciwanên ku ev serkeftin bi dest xistine û şêwirmendê tîmê Yusuf Bîlgen da zanîn ku Tîma wan, dema ku li Tirkiyeyê bû çaremîn, di heman demê de xelata “Sêwirana(Dizayna) Herî Orîjînal” jî bi dest xist. Mûşeka ku wan pêşxistibû, gihîşte bilindahiya 1.670 metrî û firîneke serkeftî pêk anî, û bi tevahî rizgar kirin.

Pêşbirka ku bi hevkariya Wezareta Pîşesazî û Teknolojiyê, Weqfa Tîma Teknolojiyê ya Tirkiyeyê (T3) û ROKETSANê hat lidarxistin, taybetmendiya pêşbirka mûşekan li Ewropayê yekemîne û li cîhanê jî duyemîne. Li rêxistina îsal a di navbera 1-7 Îlonê de li Qada Avêtinê ya Hisar a Aksarayê hat lidarxistin, 1.175 tîm serlêdan kirin, û xwendekarên Sêrtî yên di nav 76 tîmên ku gihîştin fînalê de cih girtin jî bi projeyên xwe mohra xwe li ezmên dan.

“Me Moşeka Xwe Bi Awayekî Saxlem Paşve Girt”

Şêwirmendê tîmê Yusuf Bîlgen, xebata ku wan kiriye wiha nirxand: “Me qonaxa herî krîtîk, rizgarkirina tam, bi serkeftî qedand. Me mûşeka xwe bi awayekî saxlem girt destên xwe. Bi dîtina kêmasiyên xwe, em armanc dikin ku salên pêş de bi awayekî xurttir beşdarî pêşbirkan bibin. Ev tecrûbe xwendekarên me di warê endezyariyê de pêş dixin. Dibe ku di pêşerojê de ciwanên me yên ku dê di Ajansa Fezayê ya Tirkiyeyê de bixebitin derkevin. Daxwaza me ya herî mezin ew e ku Tirkiye di vî warî de bikeve nav hêzên super.”

“Me Dev Jê Berneda”

Kaptanê tîmê Petek Avcı jî, xebatên wan ên çar salan wiha anî ziman: “Me bi xewna çêkirina moşekê dest pê kir. Me gelek hewl da, carinan em bi ser neketin, lê me tu carî dev jê berneda. Me betlaneya havînê bi xebata di taqîgehê (laboratuwarê) de derbas kir. Mûşeka me 1.670 metir bilind firî û bi awayekî saxlem vegeriya. Em li Tirkiyeyê bûne çaremîn, di heman demê de xelata “Sêwirana Herî Orîjînal” jî bi dest xist. Mûşeka me ya bi navê Marîfet niha modelek e, lê em bawer dikin ku di pêşerojê de em ê guhertoyên wê yên gelek pêşketîtir çêbikin.”

“Armanca Me Ew e ku Em Derbasî Dîroka Fezayê ya Tirkiyeyê Bibin”

Ji endamên tîmê Yunus Emre Toprak jî ev got: “Îsal me wekî tîm cara yekem pêşbazî kir û encamek baş bi dest xist. Em armanc dikin ku sala pêş de mûşeka xwe hê pêşdetir bibin û pileya bilindtir bi dest bixin. Armanca me ya herî mezin ew e ku mûşeka Marîfetê di dîroka fezayê ya Tirkiyeyê de binivîsin.”