Eno Cewher: Bi Hîkmeta Serok Barzanî Pêkhat Parastî Man
Herwiha destnîşan kir ku dîrok xwe dubare dike, baweriya wan bi serkirdayetiya Kurdistanê heye, û daxwaz kir ku welatiyên Deşta Nînowayê ji komên milîşiyayî bên rizgarkirin.
Hewlêr - Kurdistan: Li merasîma bîranîna komkujiya gundê Sorya li Hewlêrê, Sekreterê Giştî yê Hevpeymaniya Mesîhî destnîşan kir ku sedema komkujiya gundê Sorya tenê ew bû ku niştecihên wê Xiristiyan bûn.
Eno Cewher, Sekreterê Giştî yê Hevpeymaniya Mesîhî, îro Sêşemê, 15ê Îlona 2025an, ragihand: "Komkujiya gundê Sorya birînek bû di laşê Iraq û Kurdistanê de, bi dehan zarok bê dayik û bav man. Zihniyeta jibîrkirina beramber û desteserxistina nasnameya kesayetî yek ji wan nebaşiyan e ku li Iraqê heye. Ji destpêka avabûna Iraqê ve em di dîrokeke vala de dizivirin, heta ku digihêje înkarkirina mafên pêkhateyan. Komkujî ji bo cezakirina gelên ku azadî xwestine hatin kirin."
Herwiha got: "Sedema komkujiya gundê Sorya tenê ew bû ku niştecihên wê Xiristiyan bûn û zihniyeteke kevneperest heye ji bo birçîkirina xelkê Kurdistanê, lê belê bi hîkmeta Serok Barzanî pêkhat hatin parastin û em rola Serok Barzanî di parastina pêkhateyan de bilind dinirxînin."
Herwiha destnîşan kir ku dîrok xwe dubare dike, baweriya wan bi serkirdayetiya Kurdistanê heye, û daxwaz kir ku welatiyên Deşta Nînowayê ji komên milîşiyayî bên rizgarkirin.
