Serok Nêçîrvan Barzanî bi Wezîrê Derve yê Îtalyayê re civîya

Êvara îro sêşemê 19.05.2026, li Romayê, rêzdar Nêçîrvan Barzanî, Serokê Herêma Kurdistanê, di civînekê de ligel birêz Antonio Tajani, Cîgirê Serokwezîr û Wezîrê Derve û Hevkariya Navdewletî ya Îtalyayê, pêşxistina peywendiyên Herêma Kurdistanê û Iraqê bi Îtalyayê re di warên cuda de gotûbêj kir.

Serok Nêçîrvan Barzanî spasî û rûmeta Herêma Kurdistanê û Iraqê ji bo hevkarî û piştgiriya berdewam a Îtalyayê ji bo Iraq û Herêma Kurdistanê û parastina aramiya navçeyê de dûpat kir.

Ji aliyê xwe ve, birêz Antonio Tajani tekez li ser berdewamiya piştgiriya Îtalyayê bo Herêma Kurdistanê û Iraqê kir û ragihand ku welatê wan bi girîngî ve li pêgeha Herêma Kurdistanê wek faktoreke aramiyê li navçeyê dinêre, her wiha amadehiya Îtalyayê bo berfirehkirina hevkariya hevbeş bi Iraq û Herêma Kurdistanê re nîşan da.

Di mijareke din a civînê de, behsa pêşhatên dawî yên li Rojhilata Navîn û bandorên wan kirin û tekez li ser girîngiya kêmkirina aloziyan û parastina aştî û aramiyê kirin.