ترەمپ لەبارەی هێرشکردنە سەر بنکە ئەتۆمییەکانی ئێران: رەنگە بیکەم، رەنگە نەیکەم
دۆناڵد ترەمپ هەرچەندە لە بەردەم رۆژنامەڤانان گوتی کە وەڵامی پرسیاری لێدان لە بنکە ئەتۆمییەکانی ئێران ناداتەوە، بەڵام بە کورتی گوتی: "رەنگە لە بنکە ئەتۆمییەکانی ئێران بدەین، رەنگە [هێرشەکە] نەکەم."
لە بەشێکی دیکەی قسەکانی لە کۆنفرانسە رۆژنامەڤانییەکەی، سەرۆکی ئەمریکا رایگەیاند: "کەس نازانێت لەبارەی ئێران چی دەکەم. ئێران داوای دانوستاندنی کردووە، بەڵام قسەی من لەبارەی ئێران خۆ بەدەستەوەدانی بێ مەرجە."
ترەمپ باسی هەڕەشەکانی ئێران دەکات و دەڵێت: "ساڵانێکی زۆر هەڕەشەی لێدەکردین، هەفتەی داهاتوو یەکلاکەرەوەیە، رەنگە نەگاتە کۆتایی هەفتەش."
سەرچاوە: ڕووداو
