“ناتوانن ئیرادە و خۆڕاگرییان لەناو بەرن”
عەلی زەیدی، سەرۆکوەزیرانی عێراق لە پلاتفۆڕمی ئێکس رایگەیاند، سەرکۆنەی هێرشە درۆنییەکانی شەوی رابردووی سەر شاری هەولێری، هەرێمی کوردستان کرد.
ئاماژەی بەوەشکرد، ئەم جۆرە هەوڵانە ناتوانن ئیرادە و خۆڕاگرییان لەناو بەرن و ئەم هێرشانە هەوڵێکی شکستخواردوون بۆ پەکخستنی کاروانی بنیاتنانی دەوڵەت و تێکدانی ئاشتی کۆمەڵایەتی، وتیشی، بە هیچ شێوەیەک چاوپۆشی لەم جۆرە کردەوانە ناکرێت.
زەیدی، رێنمایشیداوە بە سەرجەم دامەزراوە و دەزگا ئەمنییە پەیوەندیدارەکان، هەماهەنگی تەواو لەگەڵ هێزە ئەمنییەکانی هەرێمی کوردستان بکەن بۆ گرتنەبەری رێکاری پێویست، لە رێگریکردنی دووبارە بوونەوەی هێرشەکان.
