زانکۆی کامبریج: شێرپەنجەی ریخۆڵەکوێرە لەنێو گەنجاندا روو لە زیادبوونە
توێژینەوەیەکی زانکۆی کامبریجی بەریتانی دەریدەخات، تووشبوون بە شێرپەنجە لەنێو گەنجاندا زیادبووە و یەکێک لە هۆکارەکانیش بۆ زیادخواردنی خۆراکە خێراکان دەگەڕێننەوە.
بەپێی توێژینەوەکە، شێرپەنجەی ریخۆڵەکوێرە لەنێو گەنجانی خوار 30 ساڵان روو لە هەڵکشانە، زۆرینەی ئەوانەشی کە شێرپەنجەیەکیان تووشبووە، خۆراکە ئامادەکراوەکان، خواردنەوەی گازی و وزەبەخشەکانیان خواردووە و خواردووەتەوە.
توێژینەوەکە ئاماژە بەوەدەکات یەکێک لە هۆکارەکانی دیکە کەمیی جووڵە و دانیشتنی زۆرە بەدیار شاشەکانەوە.
نیشانەکانی شێرپەنجەی ریخۆڵەکوێرە
ئازاری پشت
کەمبوونی کێش
بێتاقەتی و بێزاری
گازەکانی گەدە
ئاوسانی سک
هەوکردنی ریخۆڵەکوێرە
سەرچاوە: ڕووداو
