ترەمپ بۆ خامنەیی: دەزانین لە کوێیت، ئارامیمان خەریکە کۆتایی دێت

 دۆناڵد ترەمپ لە پۆستەکەیدا بە ئاشکرا هێڵی سووری بۆ ئێران دیاری کرد و نووسی: "ئێمە بە دروستی دەزانین ئەو کەسەی پێی دەگوترێت 'رێبەری باڵا' لە کوێ خۆی حەشارداوە. ئەو ئامانجێکی ئاسانە، بەڵام لەوێ سەلامەتە - ئێمە لەناوی نابەین (نایکوژین)، لانیکەم بۆ ئێستا نا."

 سەرۆکی ئەمریکا لە درێژەی پەیامەکەیدا هۆکار و هێڵە سوورەکانی روونکردووەتەوە و دەڵێت: "نامانەوێت مووشەک بەر هاووڵاتییانی سڤیل یان سەربازانی ئەمریکی بکوێت. ئارامیمان خەریکە کۆتایی دێت."

 ئەم پەیامەی ترەمپ بەشێکە لە ستراتیژییەتی "ئەوپەڕی گوشار" و شەڕی دەروونی کە ئیدارەی ترەمپ لە بەرامبەر ئێران گرتوویەتییەبەر. دوای سێ خولەک، ترەمپ پۆستێکی دوو وشەیی کرد و نووسی: "خۆڕادەستکردنی بێ مەرج" بەبێ ناوهێنانی هیچ کەس و لایەنێک.

 دەقی بڵاوکراوەکەی دۆناڵد ترەمپ:

ئێمە بە تەواوی دەزانین ئەو کەسەی پێی دەگوترێت "رێبەری باڵا" لە کوێ خۆی حەشارداوە. ئەو ئامانجێکی ئاسانە، بەڵام لەوێ سەلامەتە - ئێمە لەناوی نابەین (نایکوژین)، لانیکەم بۆ ئێستا نا. بەڵام نامانەوێت مووشەک ئاراستەی هاووڵاتییانی سڤیل یان سەربازانی ئەمریکی بکرێت. ئارامیمان خەریکە کۆتایی دێت. سوپاس بۆ سەرنجتان لەسەر ئەم بابەتە!"

سەرچاوە: ڕووداو