هەموو شتێک لەبارەی ئاماژەی هەبوونی ژیان لەسەر هەسارەیەکی دیکە

نیکو مادهوسودان، پسپۆڕی فیزیای گەردوونی لە زانکۆی کامبریج دەڵێت، "پشتڕاستبوونمان 99.7٪ـە، واتە 0.3٪ ئەگەر هەیە ئەمە هەڵە تێگەیشتن بێت. بۆ دۆزینەوەیەکی وەرچەرخێنەری لەم شێوەیە دەمانەوێت بگەینە ئاستێک کە ئەگەری هەڵەکردن 1 لە ملیۆن کەمتر بێت."

 بە بەکارهێنانی تێلێسکۆپی جەیمس وێب، زانایان لێکۆڵینەوەیان لە هەسارەیەکی دوور دوور کرد، کە ناوی K2-18bیە. هەسارەکە 124 ساڵی رووناکی لە زەوییەوە دوورە. دوو هێندەی زەوییە و بە زەریایەک لە ئاو داپۆشراوە.

هەسارەکە بە دەوری ئەستێرەکەیدا دەسووڕێتەوە، لە مەودایەکدا کە زۆر گەرم و سارد نییە و بەکەڵکی نیشتەجێبوون دێت. زانایان تەنۆلکەی دوو جۆرە گازی گۆگردییان لە بەرگەهەوای هەسارەکەدا بەدیکردووە کە لەسەر زەوی تەنیا لە لایەن زیندەوەرە وردبینییەکانەوە بەرهەمدەهێنرێن، هەبوونی ئەو زیندەوەرە زۆر بچووکانەش ئاماژەیە بۆ هەبوونی توانای ژیان لەسەر هەسارەکە.

 نیکو مادهوسودان ئاماژە بەوەش دەکات، "ئەگەر بە راستی ئەم گازانە لە زیندەوەرەوە هاتبن، ئەوا هەموو شتێک دەگۆڕێت. ئەو کاتە دەبێت بڵێین، ئەوەی تاوەکو ئێستا سەیرمان کردووە، تەنیا ئاسمانێکی پڕ لە ئەستێرە نییە، بەڵکو ئاسمانێکی ژیاندارە."

 ئایا زیندەوەری دیکە لە دەرەوەی هەسارەی زەوی هەن؟ یان ئەمە تەنیا هەڵە تێگەیشتنێکە؟ دەکرێت هەنگاوە زانستی و دۆزینەوەکانی داهاتووی مرۆڤ، مێژوو بنووسنەوە.

سەرچاوە: ڕووداو