وەزیری ئەوقافی هەرێمی کوردستان: مانگ بیندرا و سبەی یەکەم رۆژی رەمەزانە

پشتیوان سادق، وەزیری ئەوقاف رایگەیاند، "ئەمڕۆ هەینی 28-02-2025 لیژنەی باڵای بینینی مانگ کۆبووەوە و دوای پرۆسەیەکی وردی چاودێریکردن، دەرکەوت مانگ بە بەڵگەوە لە ئاسمانی هەرێمی کوردستان بیندراوە، بۆیە بە پشتبەستن بە بەڵگە شەرعییەکان رایدەگەیێنێت کە سبەی شەممە 01-03-2025 یەکەم رۆژی مانگی پیرۆزی رەمەزانە."

ئەمەش لە کاتێکدایە کە دادگەی باڵای سعودیە پێشتر رایگەیاند، مانگ لە ئاسمانی وڵاتەکەیان بیندراوە و سبەی شەممە یەکەم رۆژی مانگی رەمەزانە.

 لە بەشێک لە وڵاتانی دیکە رۆژی یەکشەممە وەکو یەکەم رۆژی مانگی رەمەزان دیاریکراوە کە دیارترینیان ئێران، ئیندۆنیزیا، ئوسترالیا، ژاپۆن و چەند وڵاتێکی دیکەن.

سەرچاوە: ڕووداو