نێچیرڤان بارزانی بۆ عەلی باپیر و کۆمەڵی دادگەری: هیوای سەرکەوتنتان بۆ دەخوازم

نێچیرڤان بارزانی، سەرۆکی هەرێمی کوردستان لە پەیامی پیرۆزباییەکەیدا ئاماژەی بەوە کردووە، ساڵیادی دامەزراندنی کۆمەڵی دادگەریی کوردستان لە عەلی باپیر، سەرۆکی حیزبەکە و سەرکردایەتی و ئەندامان و جەماوەرەکەی پیرۆز دەکات و دەڵێت، "هیوای سەرکەوتنیان بۆ دەخوازم."

 لە بەشێکی پەیامەکەیدا سەرۆکی هەرێمی کوردستان جەختی لەوە کردووەتەوە، سەرۆکایەتیی هەرێمی کوردستان "بە بایەخەوە لە رۆڵی مامۆستا عەلی باپیر و کۆمەڵی دادگەریی کوردستان، هێز و لایەنە سیاسییەکان و پێکهاتەکانی کوردستان دەڕوانێت، بۆ بەهێزکردنی یەکڕیزی و تەبایی و پێکەوەیی لەپێناو داهاتوویەکی باشتردا بۆ گەلی کوردستان."

دەقی پەیامی نێچیرڤان بارزانی، سەرۆکی هەرێمی کوردستان:

ساڵیادی دامه‌زراندنی کۆمه‌ڵی دادگه‌ریی کوردستان، له‌ به‌ڕێز مامۆستا عه‌لی باپیر سه‌رۆکی کۆمه‌ڵ و سه‌رکردایه‌تی و ئه‌ندامان و ته‌واوی جه‌ماوه‌ری کۆمه‌ڵی دادگه‌ریی کوردستان پیرۆز ده‌که‌م، هیوای سه‌رکه‌وتنیان بۆ ده‌خوازم.

له‌م یاده‌دا دووپاتی ده‌که‌ینه‌وه‌ که‌ سه‌رۆکایه‌تیی هه‌رێمی کوردستان به‌ بایه‌خه‌وه‌ له‌ ڕۆڵی مامۆستا عه‌لی باپیر و کۆمه‌ڵی دادگه‌ریی کوردستان و هێز و لایه‌نه‌ سیاسییه‌کان و پێکهاته‌کانی کوردستان ده‌ڕوانێت بۆ به‌هێزکردنی یه‌کڕیزی و ته‌بایی و پێکه‌وه‌یی له‌پێناو داهاتوویه‌کی باشتردا بۆ گه‌لی کوردستان.

نێچیرڤان بارزانی

سه‌رۆکی هه‌رێمی کوردستان

 2025/5/31

سەرچاوە: ڕووداو