توێژینەوەیەک: رێژەی مردن بە شێرپەنجەکانی پەیوەست بە کحول زیاد بووە

توێژینەوەیەکی کۆمەڵەی شێرپەنجە لە ئەمریکا دەریدەخات، لەنێوان ساڵانی 1990 تاوەکو 2021 ژمارەی گیانلەدەستدانەکان لە 11 هەزار و 896 بووە بە 23 هەزار و 207 کەس، د. چینمای جانی، سەرپەرشتیاری سەرەکیی توێژینەوەکە دەڵێت: کحول دەتوانێت رێخۆشکەر بێت بۆ چەندان شێرپەنجەی جیاواز و کوشندە.

لە توێژینەوەکەشدا هاتووە، زۆرترین قوربانییانی خواردنەوەی کحول پیاوانن. لە مانگی یەکی ئەمساڵدا، د. ڤیڤێک مۆرتی، پزیشکی باڵای ئەمریکا کە ناسراوە بە پزیشكی نەشتەرگەری گشتیی ئەمریکا رایگەیاند، لەدوای جگەرەکێشان و قەڵەوی، خواردنەوەی کحول سێیەم هۆکارە کە دەشێت رێگری لێبکرێت بۆ دووربوون لە شێرپەنجە.

 ئەو گوتی، کحول بە رێژەیەکی زۆر ئەگەری تووشبوون بە شێرپەنجەکانی 'گەروو، قوڕگ، کۆڵۆن، دەم، سوورێنچک، مەمک و جگەر' زیاددەکات.

سەرچاوە: ڕووداو