موقتەدا سەدر: بێدەنگى ئێمە دەربڕینە، دەربڕینى گەندەڵکاران و ستەمکارانیش بێدەنگییە

ئەو گوتانەى موقتەدا سەدر، رێبەرى رەوتى نیشتمانیی شیعە لە گوتارێکدا بوو بە بۆنەى ساڵیادى کوژرانى محەممەد سەدرى باوکى و براکانى کە ئەمڕۆ پێنجشەممە 1ی ئایار بۆ لایەنگرانى پێشکێشى کرد.

موقتەدا سەدر ئاماژەى بەوەدا، محەممەد سەدرى باوکى پێشتر گوتوویەتى کە دڵى ستەمکارانیان بەدەستەوەیە و گوتى: "ئەمڕۆش ئێمە دڵى گەندەڵکارانمان بە دەستەوەیە."

رێبەرى رەوتى نیشتمانیى شیعە بە لایەنگرانى گوت: "ئایین، مەزهەب، عێراق و چاکسازیى لە ئەستۆى ئێوەدایە."

دوایين گوتارى موقتەدا سەدر لە 29ى ئایارى 2024 بوو کە بەبۆنەى جەنگى نێوان ئیسرائیل و بزووتنەوەى حەماس پێشکێشى کرد.

سەرچاوە: ڕووداو