رۆژنامەی ئەلجمھوریە: سەرۆک نێچیرڤان بارزانی لەگەڵ ئەورووپاو ناوچەکە دیپلۆماسیەتی نەریتی تێدەپەڕێنێت بۆ ھاوبەشی
لە سایەی گۆڕانکارییە خێراکانی گۆڕەپانی هەرێمی و نێودەوڵەتی، هەرێمی کوردستان بە سەرکردایەتی سەرۆک نێچیرڤان بارزانی، درێژە بە پەیڕەوکردنی سیاسەتێکی دەرەکی چالاک دەدات کە ئامانجی چەسپاندنی سەقامگیری و کرانەوەی دیبلۆماسییە، پشت بەستن بە تۆڕێک لە پەیوەندییە هاوسەنگەکان لەگەڵ هێزە نێودەوڵەتی و هەرێمییەکان، و جەختکردنەوە لەسەر بەکارهێنانیان وەک ئامڕازێک بۆ بەهێزکردنی پێگەی سیاسی و ئابووری خۆی.
دیداری سەرۆک نێچیرڤان بارزانی لەگەڵ سەرۆکی نێردەی یەکێتی ئەوروپا لە عێراق، باڵیۆز تۆماس سایلەر، نیشانەی هەوڵی هەرێمە بۆ دامەزراندنی هاوبەشیەکی ستراتیژی لەگەڵ ئەوروپا کە لە شێوازی دییلۆماسی نەریتی تێدەپەڕێت، بەرەو چالاککردنی پڕۆژەی هاوبەش لە بوارەکانی گەشەپێدان و مافەکانی مرۆڤ، و چەسپاندنی هاوکاری کلتووری و ئابووری. ئەم ئاراستەیە لە تێگەیشتنی کوردییەوە سەرچاوە دەگرێت بۆ گرنگی ئامادەبوونی ئەوروپی وەک فاکتەرێکی هاوسەنگی لە گۆڕەپانی عێراقی، و وەک گەرەنتییەک بۆ پاڵپشتیکردنی چارەسەری ئاشتیانە و بەردەوام بۆ قەیرانەکان، دوور لە جەمسەرگیریە توندەکانی ناوچەکە.
هەرێم هەوڵدەدات پەیوەندییەکانی لەگەڵ ڕێکخراو و نێردە دیبلۆماسیەکانی ئەوروپی و ئەمریکی بۆ ڕوونکردنەوەی ڕاستیەکانی بارودۆخ لە ناوچەی ڕۆژهەڵاتی ناوەڕاست وەبەربهێنێت، و فشار بخاتە سەر بۆ هێورکردنەوەی لە ڕێگەی بەکارهێنانی ئامرازە دیبلۆماسیەکانی، پشت بەستن بە پەیوەندیە پتەوەکانی لەگەڵ وڵاتانی دراوسێی گەورەش. ڕۆڵی کوردی لە سوریا: نێوەندگیرێکی هەرێمی کە هەوڵی یەکخستنی ڕیزی کوردی دەدات ئەوەی سەرنجڕاکێشە بەکارهێنانی پەیوەندیە هەرێمی و نێودەوڵەتیەکانی هەرێمە لە ئاسانکردنی ڕێککەوتن لە نێوان حکومەتی نوێی سوریا بە سەرکردایەتی ئەحمەد شەرع و هێزەکانی "قەسەدە"، لە هەنگاوێکدا کە نیشانەی ئاراستەی هەولێرە بۆ گێڕانی ڕۆڵی نێوەندگیر لە دووبارە ڕێکخستنەوەی ماڵی کوردی سوری لە چوارچێوەی دەوڵەتی نیشتمانی، لەگەڵ پاراستنی بەرژەوەندیە هەرێمیەکانی.
ئەم نێوەندگیریە لە چوارچێوەی بینینێکی سیاسیدا دێت کە هەوڵ بۆ بەهێزکردنی پێگەی هەرێم وەک فاکتەرێکی هاوسەنگ دەدات کە بەشداری لە هێورکردنەوەی ناکۆکیەکان دەکات، بەتایبەت لە سایەی پاشەکشەی ڕۆڵی فاکتەرە نێودەوڵەتیەکان لە دۆسیەکانی ڕۆژهەڵاتی ناوەڕاست. هاوسەنگی لەگەڵ دراوسێ: تورکیا وەک نموونە پەیوەندی لەگەڵ تورکیا نموونەی بەرچاوترین لە سیاسەتی دەرەوەی هەرێمدا دەمێنێتەوە، کە کۆ دەکاتەوە لە نێوان پەیوەندی ئابووری و بازرگانی بەهێز لە لایەک، و ئالنگاریە ئەمنیە هەستیارەکان لە لایەکی تر.
نێچیرڤان بارزانی دەزانێت کە ئاسایش و سەقامگیری هەرێم لە ڕێگەی پەیوەندی جێگیر لەگەڵ ئەنقەرەوە تێدەپەڕێت، بۆیە هەوڵ دەدات هاوبەشیەک بپارێزێت کە لەسەر بەرژەوەندیە هاوبەشەکان بنیات نراوە، دوور لەو گرژیە سیاسیانەی کە لەوانەیە پێشهاتەکانی دۆسیەی پارتی کرێکارانی کوردستان یان دەستێوەردانە سنووریەکانی تورکیا بیسەپێنن.
سیاسەتی دەرەوەی پراگماتیکی بە تایبەتمەندی دیپلۆماسی نەرم لە چوارچێوەی هەوڵەکانی بەهێزکردنی هاوکاری هەرێمی، خشتەی کاری سەرۆک نێچیرڤان بارزانی پڕە لە چەندین دیدار لەگەڵ بەرپرسان و باڵیۆزان و دیبلۆماتکاران، بۆ تاوتوێکردنی ڕێگاکانی بەهێزکردنی پەیوەندیەکان لە نێوان عێراق و هەرێمی کوردستان و وڵاتانی ناوچەکە بەتایبەت وڵاتانی دراوسێی گەورە، سەرەڕای پەیوەندیەکان لەگەڵ ئەوروپا و ئەمریکا، بۆ بەدیهێنانی هەماهەنگی هاوبەش بۆ ڕووبەڕووبوونەوەی ئالنگاریە هەرێمی و نێودەوڵەتیە هاوچەرخەکان.
جووڵە دواییەکانی سەرۆک نێچیرڤان بارزانی ئاماژە بۆ ئەوە دەکەن کە هەرێمی کوردستان سیاسەتێکی دەرەکی پراگماتیکی پەیڕەو دەکات، کە پشت دەبەستێت بە کرانەوەی فرە ئاراستە، و بنیاتنانی هاوبەشی هەرێمی و نێودەوڵەتی هاوسەنگ. ئەم سیاسەتە ئامانجی بەهێزکردنی پێگەی هەرێمە وەک فاکتەرێکی هەرێمی بەرپرسیار، کە تواناری گێڕانی ڕۆڵی نێوەندگیر و دەستپێشخەری هەیە، لە سایەی ئالنگاریە ئەمنی و سیاسیە ئاڵۆزەکان لەسەر ئاستی ناوخۆیی و دەرەکی.
