ئەمڕۆ رێوڕەسمی دەرچووانی زانکۆی هەولێری پزیشکی بەڕێوەدەچێت؛ زیاتر لە هەزار خوێندکار دەرچوون

ئاهەنگی دەرچووانی زانکۆی هەولێری پزیشکی بۆ زیاتر لە هەزار و 500 دەرچوو بەڕێوەدەچێت و دەرچووانی دوو خولی زانکۆکە تیایدا بەشدارن.

تشرینی یەکەمی 1, 2025 - 13:05

ئەمڕۆ رێوڕەسمی دەرچووانی زانکۆی هەولێری پزیشکی بەڕێوەدەچێت؛ زیاتر لە هەزار خوێندکار دەرچوون

ئەمڕۆ شەممە 1-11-2025 د. کاروان محەممەد ئەمین، یاریدەری سەرۆکی زانکۆی هەولێری پزیشکی بۆ کاروباری قوتابییان راگەیاند، ئەم ساڵ لە ئاهەنگێکی شایستەدا لەنێو سەرۆکایەتیی زانکۆی هەولێری پزیشکی رێوڕەسمی دەرچووانی ساڵەکانی (2023-2024) و (2024-2025) دەکرێت.

د. کاروان محەممەد دەڵێت، بە کۆی هەردوو ساڵەکە هەزار و 657 قوتابی دەردەچن و رێژەیەکی زۆریشیان لە رێوڕەسمەکە ئامادە دەبن.

زانکۆی هەولێری پزیشکی لە ساڵی 2005دا دامەزراوە و ئێستا پێنج کۆلێژ لەخۆدەگرێت؛ (کۆلێژی پزیشکیی گشتی، کۆلێژی پزیشکیی ددان، کۆلێژی دەرمانسازی، کۆلێژی پەرستاری و کۆلێژی زانستە تەندروستییەکان).

بەگوێرەی ئامارەکانی زانکۆکە کە تایبەت بۆ رووداو نێردراوە، ساڵی رابردوو (ساڵی خوێندنی 2023-2024) 862 خوێندکار لە زانکۆکە دەرچوون و ئەم ساڵ (ساڵی خوێندنی 2024-2025) 795 خوێندکار دەرچوون.

ژمارەی دەرچووانی ساڵی رابردوو و ئەم ساڵی زانکۆی هەولێری پزیشکی، بەم شێوەیەن؛

- کۆلێژی پزیشکیی گشتی (434 دەرچوو)

ساڵی 2023 بۆ 2024 (273 دەرچوو)

ساڵی 2024 بۆ 2025 (161 دەرچوو)

- کۆلێژی پزیشکیی ددان (185 دەرچوو)

ساڵی 2023 بۆ 2024 (80 دەرچوو)

ساڵی 2024 بۆ 2025 (105 دەرچوو)

- کۆلێژی دەرمانسازی (254 دەرچوو)

ساڵی 2023 بۆ 2024 (109 دەرچوو)

ساڵی 2024 بۆ 2025 (145 دەرچوو)

- کۆلێژی پەرستاری (465 دەرچوو)

ساڵی 2023 بۆ 2024 (230 دەرچوو)