بەهۆی لافاوەوە رێگەی سەردەشت- مهاباد داخرا

ئەمڕۆ (شەممە، 5ـی نیسانی 2025) هاونیشتمانییەک لە مهابادەوە بە رووداوی راگەیاند، "بەهۆی زۆریی بارانبارین، ئاستی ئاو بەرزبووەوە و لافاو دروستبوو."

هاونیشتمانییەکە ئاماژەی بەوەشکرد، دروستبوونی لافاوەکە ئاستەنگیی هاتووچۆی بۆ هاونیشتمانییان دروست کرد و رێگەی سەرەكیی مهاباد – سەردەشت لە نزیک گوندی حەمزاوێ داخرا.

 لە 2ـی نیسانەوە، شەپۆلێکی بارانبارین رۆژهەڵاتی کوردستانی گرتووەتەوە و لە بەشێکی ناوچەکانی ئیلام، کرماشان و لوڕستان، لافاو دروستبوو. بەگوێرەی کەشناسیی ئێران، کاریگەریی شەپۆلەکە تاوەکو ئێوارەی یەکشەممە لەسەر ناوچەکە دا دەمێنێت.

سەرچاوە: ڕووداو