پەیامی نێچیرڤان بارزانی لە ئیستەنبووڵ خوێندرایەوە: شەڕ پەشیمانیی بەدواوەیە
گوتەبێژی سەرۆکایەتیی هەرێمی کوردستان لە کۆنفرانسی نێودەوڵەتیی ئاشتی و کۆمەڵگەی دیموکراسی پەیامی سەرۆکی هەرێمی کوردستانی خوێندەوە، نێچیرڤان بارزانی رایگەیاندووە: "قۆناخێکی گرنگ دەستی پێکردووە، ئەزموون دەریخستووە کە شەڕ پەشیمانیی بەدواوەیە."
نێچیرڤان بارزانی، سەرۆکی هەرێمی کوردستان لە پەیامەکەیدا ئاماژە بەوە دەکات: "هەرچی بکەوێتە ئەستۆی ئێمە بۆ سەرخستنی پرۆسەی ئاشتی ئامادەین."
هەروەها لەبارەی پەیوەندییەکانی ئەنقەرە و هەولێر، سەرۆکی هەرێمی کوردستان جەختی لەوە کردووەتەوە کە "پێشکەوتنی زۆر لە پەیوەندییەکانمان لەگەڵ تورکیا روویداوە."
دەقی پەیامەکەی نێچیرڤان بارزانی، سەرۆکی هەرێمی کوردستان کە دڵشاد شەهاب، گوتەبێژی سەرۆکایەتیی هەرێمی کوردستان لە ئیستەنبووڵ خوێندییەوە:
بەڕێزان ئامادەکارانى كۆنفرانس،
میوانان و بەشداربووانی ئازیز،
ڕۆژتان باش،
زۆر سوپاستان دهكهم بۆ بانگهێشتكردنم بۆ ئهم كۆنفرانسه.
دیدگای ئێمە لە هەرێمی کوردستان بۆ ئاشتی، دیدگایەکی نەگۆڕ و ستراتیژییە. بڕوامان وایە کە ئاشتی تەنها بێدەنگبوونی چەک نییە، بەڵکوو پرۆسەیەکە بۆ بنیاتنانی متمانە، قبووڵکردنی یەکتری و دۆزینەوەی خاڵی هاوبەش لەنێوان جیاوازییەکاندا.
توندوتیژی و ململانێ، جگە لە وێرانکاری و دواکەوتن، هیچ ئەنجامێکی دیکەی بۆ گەلان نەبووە. بەڵام هەر کاتێک دەرگای گفتوگۆ کراوەتەوە، هەر کاتێک ئیرادەی سیاسی بۆ ئاشتی هەبووە، دەرفەتی گەورە بۆ گەشەسەندن و سەقامگیری هاتووەتە ئاراوە.
تورکیا وڵاتێکی گرنگ و دراوسێیەکی ستراتیژیمانه. سەقامگیری و پێشکەوتنی تورکیا، کاریگەریی ڕاستەوخۆی لەسەر سەقامگیریی عێراق و هەرێمی کوردستان و تەواوی ناوچەکە هەیە. تورکیا لە ئاشتیدا بەهێزترە و دەتوانێت ڕۆڵێکی گەورەتر لە ناوچەکەدا بگێڕێت.
ساڵانی ڕابردوو، بە هەموو شێوەیەک پشتیوانیمان له ئاشتى کرد. ئهو قۆناغه سهلماندی كه گفتوگۆ دەتوانێت دەسکەوتی گەورە بۆ هەموو لایەک بەدەست بهێنێت. ئەمڕۆش، ههموو پشتگيرييهكمان بۆ سهرخستنى ئاشتى دووپات دهكهينهوه. هەرێمی کوردستان وەک هەمیشە فاکتەری سەقامگیری دەبێت لە ناوچەکەدا.
پرۆسەیەکی وا گرنگ لە قوناغێکی وا هەستیاردا، دهكرێ ئاستەنگی بۆ دروست ببێت، بهڵام دهبێ ئەو ئاستەنگانە نەبنە هۆکار بۆ ساردبوونەوە له ئاشتی. سەرکەوتنی ئاشتى پێویستی بە پشوودرێژی هەیە. چەند کاتی پێویست بێت، وا دەخوازێت بەردەوامیی هەبێت.
لێرهدا دهمهوێ دهستخۆشى له جهنابى سهرۆك ڕهجهب تهييب ئهردۆغان بكهم بۆ ڕۆڵی گرنگ و دیدگای ئازایانەی له كرانهوه بهڕووى ئاشتيدا. ئهمه هەنگاوێکى مێژوويييه کە پێویستی بە ئیرادەیەکی سیاسیی بەهێز، ئازایەتی، بوێرى، قوربانيدان و گيانى بەرپرسیاريهتى ههيه.
ههروهها دهستخۆشى له بهڕێز ئۆجالان و بهڕێز دهوڵهت باخچهلى و ههموو ئهو كهسايهتى و لايهنانه دهكهين كه پهرۆشى ئاشتين و كار دهكهن بۆ ئهوهى ئاشتى و پێكهوهژيان سهركهون. ههموو ئهوانهى درک بەوە دەکهن كه داهاتوو تەنها لەسەر بنەمای ئاشتی و سەقامگیری بنیات دەنرێت.
لە کۆتاییدا، هيواى سهركهوتن بۆ كۆنفرانسهكهتان دهخوازم.
زۆر سوپاستان دهكهم.
نێچيرڤان بارزانى
سهرۆكى ههرێمى كوردستان
2025/12/6
