نرخی بەرمیلێک نەوتی برێنت لە 76 دۆلار نزیک دەبێتەوە

نرخی نەوت ئەمڕۆ سێشەممە لە بازنەیەکی سنوورداردا مامەڵەی پێوە دەکرێت، بەجۆرێک نرخی نەوتی برێنتی دەریای باکوور 11 سەنت بەرزبووەوە گەیشتە 75 دۆلار و 98 سەنت. هەروەها نرخی نەوتی سووکی تەکساسی ئەمریکاش 5 سەنت بەرزبووەوە و بە 72 دۆلار و 37 سەنت مامەڵەی پێوە دەکرێت. بەپێی شرۆڤەکاران؛ سەپاندنی پێناسی گومرگی بەسەر بەرهەمی هاوردەکراوی ئاسن و ئەلەمینیۆم، دەبێتە هۆی سەرهەڵدانەوەی شەڕی بازرگانی و بە ئەگەری زۆرەوە خواست بۆ نەوت کەمدەکاتەوە. پێناسە گومرگییە نوێیەکان دەتوانن کێشە بۆ هاوردەکردنی ملیۆنان تۆن ئاسن و ئەلەمینیۆم دروستبکەن کە ساڵانە لە کەنەدا، بەرازیل، مەکسیک و کۆریای باشوورەوە هەناردەی ئەمریکا دەکرێن.