کوردستانی

وەزارەتی کشتوکاڵ: گرانبوونی سووتەمەنی و کەمیی خستنەڕوو نرخی مریشکی بەرزکردەوە

ماوەیەکە نرخی مریشک لە بازاڕەکانی هەرێمی کوردستان رووی لە بەرزبوونەوە کردووە. وەزارەتی کشتوکاڵ دەڵێ، بەهۆی کەمیی خستنەڕوو و گرانبوونی تێچووی سووتەمەنییەوە، نرخەکەی گران بووە.

نیسان 13, 2026 - 11:22
وەزارەتی کشتوکاڵ: گرانبوونی سووتەمەنی و کەمیی خستنەڕوو نرخی مریشکی بەرزکردەوە

رۆژی دووشەممە، 13ـی نیسانی 2026، فیراس سدیق، بەڕێوەبەری سامانی ئاژەڵ لە وەزارەتی کشتوکاڵ و سەرچاوەکانی ئاوی هەرێمی کوردستان بە تۆڕی میدیایی رووداوی راگەیاند: "بەرزبوونەوەی نرخی مریشک پەیوەندی بە خستنەڕوو و خواستەوە هەیە؛ کاتێک پێشتر نرخەکەی دابەزیبوو، بەشێکی زۆری خاوەن پەلەوەرخانەکان مریشکیان دانەنایەوە، ئەوەش بووە هۆی کەمبوونەوەی مریشک لە بازاڕ و بەرزبوونەوەی نرخەکەی." لەبارەی تێچووی بەرهەمهێنان، بەڕێوەبەری سامانی ئاژەڵ ئاماژەی بەوە کرد کە وەرزی سەرما کاریگەری هەبووە و گوتی: "گرانبوونی نرخی سووتەمەنی هۆکارێکی دیکەیە. ئەو مریشکەی ئێستا لە بازاڕە، بەرهەمی مانگێک پێش ئێستایە کە تێچوویەکی زۆری هەبووە." لە ماوەی رابردوودا بەهۆی جەنگی ئەمریکا و ئیسرائیل لەگەڵ ئێران؛ سووتەمەنی لە هەرێمی کوردستان کەمبوو و نرخەکەی بەرزبووەوە. نرخەکان لە بازاڕدا پێشتر: کیلۆیەک مریشک بە 2,300 بۆ 2,400 دینار بووە. ئێستا لە پەلەوەرخانەکان: گەیشتووەتە 2,750 دینار. ئێستا لە بازاڕەکاندا: کیلۆی بە 3,000 دینار و زیاتریش دەفرۆشرێت. ئاماری پەلەوەرخانەکان و بەرهەمی ناوخۆ بەپێی ئامارە فەرمییەکانی وەزارەتی کشتوکاڵ، کەرتی پەلەوەر لە هەرێمی کوردستان بەم شێوەیەیە: ژمارەی پەلەوەرخانەکان: 1,995 پەلەوەرخانە. بەخێوکردنی ساڵانە: زیاتر لە 105 ملیۆن مریشک. بەرهەمی ساڵانەی گۆشت: نزیکەی 250 هەزار تۆن. پێداویستیی ناوخۆ: 146 هەزار تۆن. بەپێی ئاماری وەزارەتی کشتوکاڵ، ساڵانە نزیکەی 104 هەزار تۆن گۆشتی مریشکی لە پێویستیی نێوخۆ زیادەیە و دەتوانرێت هەناردە بکرێت.

تێگەرەکان:

مقالەی پێشوو

نێچیرڤان بارزانی پیرۆزبایی لە پاتریارکی نوێی کلدانی لە جیهان دەکات

مقالەی دواتر

ئەمشەو چامپیۆنزلیگە و دوو یاریی ئاگرین بەڕێوەدەچن

پۆستەکانە پەیوەندیدار

پەیامی سەرۆکی هەرێمی کوردستان بە بۆنەی هاتنی مانگی پیرۆزی ڕەمەزان ـەوە

پەیامی سەرۆکی هەرێمی کوردستان بە بۆنەی هاتنی مانگی پیرۆ...

شوبات 17, 2026

جێگری سەرۆکی لیژنەی دارایی پەرلەمان بۆ رووداو: ئەمڕۆ هەواڵی خۆش لەبارەی مووچە هەیە

جێگری سەرۆکی لیژنەی دارایی پەرلەمان بۆ رووداو: ئەمڕۆ هە...

تەمووزی 22, 2025

سه‌رۆك نێچيرڤان بارزانى سه‌ره‌خۆشى له‌ به‌ڕێز عه‌لى عه‌ونى ده‌كات

سه‌رۆك نێچيرڤان بارزانى سه‌ره‌خۆشى له‌ به‌ڕێز عه‌لى عه‌...

شوبات 9, 2026